Los fechos remóntense al 2017, cuando un empresariu conocíu na ciudá poles sos prautiques d’esplotación llaboral y acosu se-y ficieron dellos piquetes, acompangaos d’una fuerte campaña d’información sobro la situación que taba careciendo una de les emplegaes de la Pastelería La Suiza, campaña que finó col preslle del negociu.

La pidición fiscal algama los 32 meses de prisión pa ca una de les acusaes -14 por coaciones y 18 por impagu de cuotes a l’alministración- y alrodiu 63.000 euros, de los que 60.000 sedríen pal dueñu de la Pastelería Suiza -recordemos, acusáu d’acosu a una emplegada- por “daños morales”.

La CNT Xixón ya s’enfrentare recientemente a una denuncia de dellos empresarios de la hostelería que pedíen la so illegalización por “asociación ilícita pa la estorsión d’empresarios”, que fore archivada.

Redaición InfoAsturies