La Facultá de Formación del Profesoráu Padre Osso nun escuende los sos raigaños católicos: la so Xunta de Titularidá componenla l’Arzobispáu ya’l Seminariu d’Uviéu y recueye esplicitamente nes sos bases que “el Departamentu de Pastoral y Voluntariáu costituye tamién una pieza importante del centru y ye fiel reflexu de la so [su] identidá cristiana”

Nun alcuerdu ensin precedentes nel estáu, Genaro Alonso, conseyeru d’Educación en funciones, ya’l decanu de la facultá d’Uviéu, José Prieto, firmaron en rueda de prensa un conveniu de cuatro años de vixencia pol que la Facultá Padre Osso, una entidá privada y confesional -anantes conocía comu Facultad de Magisterio de la Iglesia– pol que pondrán a dimposición de los colexos públicos y concertaos asturianos la figura d’un terapeuta ocupacional y d’un educador social. El proyeutu pretende amás que la facultá relixosa afonde na formación del profesoráu ya’l desendolcu de programes d’anovación ya investigación nos cientros educativos.

Los puestos que pasarán a ocupar estos profesionales privaos de reconocida formación relixosa incluirán llabores tan sensibles comu trabayar colos casos d’acosu, violencia machista, inclusión d’escolinos con discapacidá o necesidaes especiales, racismu o xenofobia.

Redaición InfoAsturies

This work is licensed under a Creative Commons Attribution 4.0 International License.