Desaxeraos picos de contaminación en Llangréu

  • 20 Xuño, 2019

Los altos picos de partícules algamaos esta selmana y “xustificaos” pola estabilidá climática nun desapaecen cola lluvia

Llangréu vien presentando los caberos años los peores datos de micro partícules d’Asturies, pero esta selmana -mui especialmente nel díe d’ayeri- los picos rexistraos sobrepasen la ya esmolecedora media, ensin que se conoza la razón de los mesmos.

Dende’l llunes, cuando se rexistró una media alta enforma pa les pelligroses micro partícules Pm2,5 de 26 µg/m3 de Pm2,5, fasta ayeri, cuando la lluvia nun foi a torgar los disparataos datos algamaos ayer na zona de Meriñan, con valores tope de 323 µg/m3  de las partículas de Pm10, les midiciones superaron con muncho les especificaciones de la Organización Mundial de la Salú, que recomendó unos valores llende pa estes micro partícules de 20 µg/m3 de media.

Los picos de contaminación atmosférica disparen los ingresos hospitalarios por enfermedaes respiratories, sigún recueye un estudiu epidemiolóxicu fechu pola Conseyería de Sanidá y presentáu nel añu 2016. Corroborando esto, l’ Istitutu de Salú Carlos III reconoz que sigún un estudiu desendolcáu pente 2000 y 2009, la contaminación atmosférica prevocó que s’agravaren les enfermedaes que finaron cola vida de 830 persones al añu n’Asturies, el duple de  la media estatal d’afeutaos.

Llucía F. Marqués

 

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies