Hai estudios qu’afiten qu’un cruceru de visita en puertu pue dexar tanta contaminación comu 2.000 coches y camiones conduciendo nun añu

Dellos cruceros -al menos 17- van a facer escala en Xixón esti branu, daqué que quier vendese comu una oportunidá  y un bon negociu pa la ciudá, pero que nun dexa de ser un modelu d’esplotación y consumismu, que xenera basoria asgaya na mar y contaminación nos puertos d’acoyía, dexando a cambiu ruines aportaciones esporádiques a la economía de les ciudaes que los reciben. Los beneficios reales van parar a grandes empreses que nun respeten siquier les condiciones llaborales marcaes pola llei de los países que visiten.

Si bien el turismu nun ye la solución pa la economía asturiana, el que venga tien de ser de calidá, con cierta continuidá y que permita vivir al piqueñu comerciu y a la hostelería.

Frente a esto dende Alternativa Verdi por Asturies proponen recuperar l’Autopista del Mar, muncho más importante pal desendolcu económicu d’Asturies, al permitir desconxestionar el tráficu rodáu y afitar una conesión permanente col centru Europa.

Redaición InfoAsturies

This work is licensed under a Creative Commons Attribution 4.0 International License.