En númberos concretos, 147.977 asturianos nun algamen el fin de mes, 63.712 d’ellos nun tienen ingresos siquiera pa comer tres vegaes al díe y nun pueden mercar carne o pexe nin 4 vegaes al mes, ello ye, tan na miseria.

154.341 viven en cases que nun cumplen los estándares d’habitabilidá, 51,381 d’ente ellos en cases direutamente insegures ya insalubres. Como denunciaben ayeri dende la PAH nel programa de “Viva la vida”, en Tele 5, nun son cases nes que se pueda vivir con una mínima dignidá, nin siquiera con seguridá. Servicios sanitarios deficientes, istalaciones lléutriques pelligroses o cenciellamente que nun furrulen, ausencia d’agua caliente, d’agua en xeneral, humidaes, ventanes rotes, escasos metros cuadraos por persona, falta de mobiliariu… Pente estes persones, munches pertenecen a nucleos familiares monomarentales, ello ye, muyer sola con fios o persones dependientes al so cargu. Tamién viven nestes condiciones munches persones d’avanzada edá.

Nuria Prendes