Independientemente de la reforma de la financiación autonómica, previsiblemente negativa pa los territorios menos poblaos, el retrasu nos presupuestos del Estáu perxudicará a Asturies, dificultando’l cumplimientu de les previsiones de déficit
L’estudiu recién espublizáu pola Fundación d’Estudios d’Economía Aplicada (Fedea) que calcula l’impautu que l’ausencia de cuentes públiques exercerá sobro les finances de los estremaos territorios y sobro les sos perspeutives d’estabilidá, alvierte de qu’Asturies s’alcuentra pente los tres más perxudicaos pola prórroga presupuestaria Estatal, que xela los ingresos, amenorgando la financiación autonómica. Los espertos consideren amás que nos presupuestos asturianos sobrevaloróse l’impautu de les devoluciones de lo recaldao nos impuestos cedío a la autonomia, nos que’l “Principado” previere un alza del 0’3, cifra que nun consideren rial.
Poro, la espeutativa d’ingresos colos que se cuntaba cuando se ficieron los presupuestos asturianos, ta enquivocada y agora les cuentes nun cuadren, polo que Fedea ve difícil cumplir los límites de déficit: comparando’l nuevu escenariu coles cantidaes previstes, Asturies presenta un desfase d’un 0’9%.
Por tou ello, consideren improbable que se pueda cumplir l’oxetivu d’estabilidá presupuestaria, qu’asitia la llende de déficit nun 0’1 % del PIB pa 2019, daqué que beneficiará namás al Estáu español, ya que tresvasará menos fondos de los previstos.
Llucía F. Marqués
This work is licensed under a Creative Commons Attribution 4.0 International License.
