Convocaos los Premios Lliterarios 2.019

  • 5 Xunu, 2019

Estos premios, que ñacieron va 40 años cola creación del  Primer Concursu de Narraciones Curties Diputación d’Asturies, foron ampliándose añu a añu fasta incluyir cincu estayes estremaes

La Conseyería d’Educación y Cultura vien de facer pública nel BOPA la convocatoria de los Premios Lliterarios n’Asturianu correspondientes al añu 2.019.

El Xosefa Xovellanos, de novela, cumple ya la so cuarentava edición, siendo el primeru n’aniciase, nel añu 1.980; el ganaor d’esti premiu na anterior edición foi Manuel García Menéndez, cola novela policiaca “El visitante impropiu”. Tuvieron de pasar 15 años fasta la convocatoria del primer premiu de poesía Xuan María Acebal  ya’l Máximo Fuertes Acevedo d’ensayu, que l’añu pasáu foron ganaos por Pablo Texón, con “Allumamientu” y Damián Barreirdo, con “Asturploitation”, respeutivamente y otru más pa la primer convocatoria del Premiu María Xosefa Canellada de lliteratura infantil y xuvenil, que na cabera edición foi pa Lluis Aique Iglesias Fernández, con “Invisible”.

El Premiu Alfonso Iglesias de cómic tien once años d’hestoria y l’añu pasáu recayó n’Anxelu González Fernández, con ‘Cacique blancu’. Pa finar, el Premiu Nel Amaro, de teatru, consolídase esti añu cola so tercer edición, tres de premiar l’añu pasáu a la compañía “Higiénico Papel Teatro” pola so visión personal del cuentu clásicu de los hermanos Grimm, ‘Hansel y Gretel’.

A estos premios, qu’esti añu ven amontada la so dotación económica de 3.000 a 5.000 euros pa caún de los xéneros -esceutuando’l Nel Amaro de teatru, que caltién la de 6.000 euros-, pueden presentase toles persones interesaes, siempre que nun fueren ganadores na anterior edición de ca modalidá lliteraria.

El plazu de presentación d’orixinales fina’l 2 de Setiembre pa la modalidá de cómic, el 3 de Xunetu pal de teatru ya’l 16 de Setiembre pal restu. El fallu de los ganadores, como vien siendo vezu, va conocese nos caberos meses del añu.

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies