Sóbrenmos les perres: Asturies “devuelve” 96 millones al estáu

  • 3 Xunu, 2019

El 43’1% de los presupuestos destinaos a obres n’Asturies foi pa otres partes del estáu o tornaron a les arques públiques españoles

“Intervención General del Estado” vien d’espublizar el balance final: la deficiente xestión, la llentitú y la ineficacia del gobiernu asturianu del PSOE -recién reelexíu pa guiar los destinos d’esti probe país de nueso- lleva a situaciones tan surrealistes comu que, nin sobrando perres, se lleven a cabu les urxentes obres pa refacer la infracadarma asturiana. Un total de 96 millones d’euros que, tanto presupuestaos p’Asturies, nun se utilizaron. Eso, esti añu, nel 2017 devolviéronse unos 43’6 millones de los asignaos  y datos asemeyaos alcuéntrense n’años anteriores, seique con nidia tendencia al alza.

Tres de los númberos, necesidaes ensin cubrir, y una ya nun sabe fasta onde falar d’ineptitud y onde entamar a falar de mala fe. Dos millones y mediu, pa les igües entá non llicitaes de l’A-63, más de 30 pa la ya mítica variante’l Payares, dos más pal vial de Jove a El Musel (en fase de planificación, a estos altores) y otru pa la imposible conesión de la “Y” col polígonu pantasma de la ZALIA… y asina fasta más de 96 millones… ta nidio, sóbrenmos les perres.

Llucía F. Marqués

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies