• Portada
  • >
  • Mundiu
  • >
  • Cuasi’l 50% de la contaminación plástica de la mar provién de tres empreses

Cuasi’l 50% de la contaminación plástica de la mar provién de tres empreses

  • 31 Maio, 2019

Les multinacionales Coca Cola, Pepsi y Nestlé xeneren el 45% de los residuos plásticos que s’alcuentren nos mares del mundiu

L’auditoría fecha pola ONG Greenpeace, dientro’l movimientu “Break Free From Plastic” (lliberándose del plásticu) llevó a los espertos a la conclusión de qu’estes tres empreses son les responsables de la produción de cuasi la metá de la basoria marina.
La investigación desendolcóse’n 42 países, un total de 187.000 pieces de residuos esaminaes en 239 recoyíes. El resultáu foi que, non solo la marca de bébora Coca Cola foi la más representativa, sinon que la so basoria taba presente en cuasi tolos países estudiaos, en 40.
De fechu, namás nel añu 2017 Coca Cola medró en cuasi mil millones la so produción de botelles de plásticu, algamando los más de 110 mil millones añales, lo que fae una media de 3.400 botelles non reciclables por segundu, namás nesta marca.
Estes auditoríes de marca ufren una preba del papel de les grandes empreses na crisis mundial de la contaminación plástica, que fai prever que nunos años haiga más plásticu que pexes na mar y que ya algamó incluso el puntu más fondu l’oceanu, na Fosa les Marianes. El problema podría amenorgase considerablemente, más que con midies enfotaes en facer responsable a la población y nel reciclaxe individual, forciando a estes empreses a utilizar envases reutilizables, comu siempres se fizo nel mercáu de la sidre asturiana. “Al continuar produciendo envases de plásticu irrecuperables pa los sos productos, estes empreses son culpables de destruyir el planeta a gran escala” declaró Von Hernández, coordinaor Global de Break Free From Plastic.

Nuria Prendes

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies