• Portada
  • >
  • Conceyos
  • >
  • L’Alcaldesa de Noreña tien abierta una querella por presuntu delitu de prevaricación y dexación de funciones.

L’Alcaldesa de Noreña tien abierta una querella por presuntu delitu de prevaricación y dexación de funciones.

  • 30 Maio, 2019

Tantu l’Alcaldesa de Noreña comu’l Conceyal d’Urbanismu podríen enfrentase a una condena d’inabilitación de pente 9 a 15 años por una denuncia de prevaricación

El Xulgáu d’Istrución Nb. 4 de Sieru decidirá si almite a trámite la querella, interpuesta por una vecina del conceyu frente a la recién reelexía Alcaldesa de Noreña, Amparo Antuña, ya’l conceyal d’Urbanismu, Pelayo Suárez, por un delitu continuáu de prevaricación.

Acúsase a la rexidora ya’l responseble de la Estaya d’Urbanismu d’un presuntu delitu d’abusu de poder y dexadez de funciones al nun actuar frente a les numberoses quexes interpuestes na Casa Conceyu, Policía llocal y Guardia Civil, que dende va meses vienen denunciando l’incumplimientu sistemáticu de la normativa de preslle y ruíu d’un llocal hosteleru que nun tien les llicencies desixies.

La hostelera denunciante ye amás víctima d’un tratu discriminatoriu, pues mientres el citáu llocal incumple tranquilamente les normatives y ye vezu que se permitan conciertos en bares de la llocalidá, al so establecimientu torgóse-y el pasáu Avientu la cellebración d’un conciertu nel marcu l’Alcuentru’18, de la organización política Andecha Astur, a cargu de l’asociación de xóvenes intérpretes Músicos Xuníos por Noreña, conciertu pal que se solicitaren en tiempu y forma tolos permisos precisos y del que se recibió notificación de la so prohibición un solu díe anantes del mesmu, colos consiguientes perxuicios. La notificación afalaba al hosteleru a nun permitir la cellebración del conciertu nel so llocal, menaciándolu con que si nun lo facía podíen precinta-y el llocal y retira-y la llicencia municipal.

Ente tan graves menacies de la Casa Conceyu, acatóse la suspensión del conciertu, teniendo llugar una concentración espontanea énte la Casa Conceyu de Noreña pa denunciar la costante censura, persecución y represión de les iniciatives sociales, culturales, artístiques y polítiques en Noreña, sobremanera aquelles que xurden del puxu la mocedá.

Redaición InfoAsturies

 

 

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies