• Portada
  • >
  • Mundiu
  • >
  • La ONU demanda la lliberación darréu de Junqueras y los Jordis

La ONU demanda la lliberación darréu de Junqueras y los Jordis

  • 30 Maio, 2019

L’abogáu británicu espertu’n drechu internacional y drechos humanos, Ben Emmerson, presentó en Febreru del 2018 una comunicación al Grupu de Trabayu sobro la Detención Arbitraria, que depende de la Oficina de drechos Humanos de la ONU, pa que valorare si la situación de prisión preventiva vulneraba los drechos fundamentales recoyios na Declaración Universal de los Drechos Humanos. La rempuesta ye que sí.

El dictame del Grupu de Trabayu sobro la Detención Arbitrario reclama la lliberación de los presos políticos ya indemnizaciones por parte’l gobiernu español

Un escritu de 19 páxines recueye’l dictame del Grupu de Trabayu sobro la Detención Arbitraria, que depende de la Oficina de drechos Humanos de la Organización de les Naciones Xunies (ONU). Nelli, reclama la lliberación del cabezaleru d’ERC y recién elexíu europarlamentariu por Agora Repúbliques, Oriol Junqueras, del presidente d’Òmnium, Jordi Cuixart, ya de l’espresidente de l’ANC, Jordi Sànchez. Nos caberos años, les Naciones Xunies ficieron 245 resoluciones cuestionando les situaciones de presos políticos. En tolos casos, tres de la resolución, los países dexaron llibres a los presos.

Arriendes de la so lliberación, la resolución afirma que tendría d’indemnizáseyos económicamente pola privación de lliberta carecía ensin sentencia, daqué que califica d’arbitrario, por tar destinao a “Reprimir miembros de grupos políticos pa silenciar la so reclamación en favor de l’autodeterminación” al treviés d’una detención que va “en detrimentu de los principios d’igualdá de los seres humanos”. Insta tamién al estáu a facer una investigación “esaustiva ya independiente de los fechos”.
Nesi sen, demandarán al gobiernu español informacion sobro les midies de siguimientu adoutaes respeuto a les recomendaciones feches: si ponen en llibertá a los presos políticos, si se concedieron les indemnizaciones, si se investiguen les violaciones de drechos humanos o si se ficieron les igües llexislatives que torguen la repetición d’estos fechos, pente otres posibles midies.
El Grupu de Trabayu contra la Detención Arbitrària ye una entidá venceyada a la ONU, entamá por espertos independientes en drechos humanos, qu’estudia casos de posibles violaciones de la normativa internacional. Concretament, investiga situaciones d’arrestos y detencions arbitraries por parte de los estaos. Anguañu compónenlu Guevara Bermúdez, en representación de Mèxico, Leigh Toomey (Austràlia), Elina Steinerte (Letònia), Seong-Phil Hong (Corea del Sud) y Sètondji Adjovi (Benín).

Llucía F. Marqués

 

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies