• Portada
  • >
  • Conceyos
  • >
  • Multiplíquense por dos los xixoneses en situación d’emerxencia

Multiplíquense por dos los xixoneses en situación d’emerxencia

  • 28 Maio, 2019
Dos son los factores qu’influyen nesti xorrecimientu de la emerxencia social: per un lláu, la falta d’emplegu y la precarización llaboral, facilitada pola tendencia a la hostelería ya’l turismu y pel otru l’efectu llamada d’un Aria Metropolitana que nun ye quien a absorber la demanda de medios que la masificación xenera
Les ayudes a la emerxencia son les que se dan pa cubrir les necesidaes más básiques de la persona. En namás dos años, el duple de xixoneses necesiten esti serviciu.

Acordies la memoria presentada pola Fundación Municipal de Servicios Sociales, de les 199 persones que solicitaron esta ayuda, 57 nun la recibieron. Cinco de les solicitudes aprebaes yeren pa casos de mui estrema necesidá, ello ye, en situación de riesgu d’inanición. Les otres 137 entá nun algamaben esi puntu, pero precisaben les perres pa vivienda, suministros o inclusu pagos funerarios. Los barrios más afeutaos son El Llano y Xixón Sur, siendo l’Arena el que que menos solicitues rexistró y la zona cientru la que mayor xorrecimientu relativu esperimentó.

El 40’4% de les families que reciben aides municipales nun tienen dalu ingresu mensual ya otru 17’44% entren menos de 400 euros al mes. Les persones en situación de necesitar ayudes son principalmente muyeres (el 71%), medrando el porcentaxe de mocedá y persones con estudios, siendo les families biparentales el modelu que menos les solicita.

El perfil ye bien estremáu qu’el de la Rede d’Inclusión Activa de Xixón (Asociación xixonesa de Caridá, Cáritas, Fundación Siloé, Mar de Niebla y Albergue de Covadonga) qu’apurre principalmente servicios de comedor y un llugar onde durmir y qu’atiende a otres 5.545 persones, mayoritariamente varones non asturianos (70,8% españoles inmigraos), solteros ya ensin cargues familiares. Ye de destacar qu’un 10% d’ellos cuenten con estudios universitarios.

Pesi a esta situación na que vive bona parte de la población xixonesa, el gastu municipal total n’ayudes d’emerxencia ya integración foi de 50.000 euros menos que nel añu anterior.

Llucía F. Marqués

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies