Ser candidatu ensin sabelo d’un partíu al que nun perteneces

  • 27 Mayu, 2019

213 persones votaron a una llista aparentemente pantasma na qu’apaecen persones que nun sabíen nin que se presentaben

La fiscalía investiga’l casu d’esta formación,  la versión carbayona del nome iscritu en 2014 por Julià de Fabián nel rexistru de partios del Ministeriu l’Interior.“Ganemos Oviedo, Si, se Puede”, ye lo que se podía lleer nes papeletes d’esti “partíu”. Na llista de candidatos, delles persones que nun lo sabíen

Baxo’l llema “Sí se puede” la papeleta de Ganemos tien comu cabezaleros a  Iván Onofre Valiente Naredo y Josefina Sánchez Aguilera. Tres d’ellos, apaecen na llista de candidatos abondes persones que nun sabíen que se presentaben col partíu y que nun teníen dala intención nin conocimientu de participar comu candidatos.

“El mio cabreu ye tal que me petez compartilu”. Diz un de los afeutaos nes sos redes sociales “Va unes selmanes enteréme de qu’apaecía na llista elleutoral d’un partíu al que nun conocía, “Ganemos”. Ya’l mio casu nun yera l’único: más de la metá de la so llista ta rellena a base de xente que nun tenía idega de que taba ehí…”. Seique denunció el casu anantes de les elleiciones a la Xunta Elleutoral, esta nun anuló les llistes nin informó a los elleutores del sucesu.

Si tratamos de saber daqué del programa de la formación, nun s’alcuentra res sobre ellos -nel so facebook apaecen namás dos semeyes de perfil, actualizaes va cincu años- polo que pocu se sabe sobro quienes tan tres d’esti fraude. Los afeutaos sospechen que los datos pudieron garrayoslos en teóriques entrevistes de trabayu o al traviés d’una recoyida de datos pa una entidá benéfica.

Lo vraeramente esmolecedor ye que más de 200 persones votaron a un partíu que nun fizo campaña y del que nun sabíen nada, embizcaos quiciás pola fuercia del “Si se puede”.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies