• Portada
  • >
  • Conceyos
  • >
  • La CEA nun cree nos bonos resultaos de la calidá de les agües de Xixón

La CEA nun cree nos bonos resultaos de la calidá de les agües de Xixón

  • 23 Maio, 2019

Ayeri mesmo apaecieron restos d’escrementos humanos flotando nes agües de San Llorienzu, a l’altor de la escalera dos

Acordies l’Ayuntamientu de Xixón, l’analís fechu’l 20 d’esti mes amuesa unos resultaos d’alta calidá del agua nes playes xixoniegues, daqué que contrasta colos datos y la esperiencia de los caberos años. De fechu, Xixón afronta una fuerte sanción europea por falta de depuración de les agües residuales del conceyu, que van a parar a la mar.

Na costa de Xixón van a parar les agües de la Ría d’Aboño, altamente contaminaes, según reconoz la Confederación Hidrográfica, asina comu l’emisariu de Peñarrubia, ensin tratar, y de la depuradora de la Reguerona, de la que se conoz que nun trata afayaizamente les agües, ya’l ríu Piles, onde finen dellos coleutores que ca vegada que llueve mecen les agües residuales coles pluviales, llevándoles a San Llorienzu. Tamién del puertu de Musel aporten restos de carbón, combustible, llimpieza de depósitos y graneles arramaos en carga.

Por tou ello, a la Coordinadora Ecoloxista d’Asturies abulta-y de mal gustu que s’espublicen estos resultaos tan positivos, más entá faciéndolo en feches tan averaes a les elleiciones del conceyu.

Redaición InfoAsturies

 

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies