Alternativa Verde por Asturies–EQUO preséntase nes circuscripciones ocidental y central, pero nun fadrán campaña nes cais

La formación albidra que la pegada de cartelos ye una práutica “obsoleta y pocu ecolóxica” asina que nun tendrán presencia nes muries y faroles. Renuncien tamién a los espacios de baldre na radio y televisión públiques “La desigualdá ente los partios afitaos y el restu ye tan grande que convierte cuasi nuna burla l’espaciu que se mos otorga. Además consideramos que los medios de comunicación públicos tienen d’informar, non convertirse nun canal de propaganda elleutoral. Creemos qu’esti ye un aspeuto más d’un sistema de regulación elleutoral obsoletu qu’hai que reformar. Poro, nun vamos a participar nello.

Sicasí, pidin la oportunidá de participar nos alderiques que s’entamen en cualisquier mediu pa poder asina tresmitir el so mensaxe.

Redaición InfoAsturies

This work is licensed under a Creative Commons Attribution 4.0 International License.