• Portada
  • >
  • Asturies
  • >
  • Andecha Astur cientra’l so programa en siete compromisos irrenunciables

Andecha Astur cientra’l so programa en siete compromisos irrenunciables

  • 17 Abril, 2019

Pa la formación política, que nesta ocasión tien asegurada la so participación nel gobiernu español al traviés de la coallición Agora Repúbliques, el compromisu col pueblu asturianu traduzse en siete puntos básicos

Siete puntos qu’abarquen abondo: drechos sociales y República asturiana, soberana y socialista ye’l primeru, fin de la corrución, l’austericidiu económicu y precariedá llaboral, el segundu. Los vinientes son la redistribución de la riqueza, nuevu marcu de rellaciones llaborales, polítiques actives d’aida a la mocedá pa que nun tenga que colar y pa que los emigraos tornen, igualdá efeutiva de toles presones ya Oficialidá darréu.

De la precariedá llaboral y l’austericidiu económicu responsabilicen al’Estáu español y la Xunión Europea, polo que ven imprescindible poder presionar dende estes dos entidaes pa facer sentir los intereses del pueblu asturianu, daqué que podrá facese de la man de los compañeros de coallición n’Agora Repúbliques.

Dientro de la redistribución de la riqueza comprométense a defender una fiscalidá xusta, una renta ciudadano garantizao y l’atención de les necesidaes básiques de la población, cuestiones direutamente venceyaes al puntu siguiente: dir a la guete d’una nuea política de rellaciones llaborales que garantice trabayu dignu, salariu suficiente, garantíes efeutives escontra la siniestralidá y procesos de negociación sofitaos nos conceyos abiertos de trabayaores.

No que cinca a la cuestión de la despoblación y avieyamientu, la so promesa ye facer por desendolcar polítiques actives d’aída a la mocedá asturiano que yos garantice un futuru nel so país, al mesmu tiempu que se crea el marcu de seguridá y nivel de vida qu’afale al retornu la comunidá asturiano que se vio forciao a emigrar.

Irrenunciable ye, comu siempres lo foi pa esta organización, la llucha pola oficialidá del asturianu comu llingua nacional, asina comu la defensa del nuesu padremuñu hestóricu, cultural ya ecolóxicu.

Toos estos compromisos tienen d’algamar n’igualdá de condiciones, recalquen, a toles presones, ensin diferiencia por identidá de xéneru, opción sesual o modelu convivencial.

Redaición InfoAsturies

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies