Dende la composición de los temes, los ensayos y la grabación de les maquetes n’Areñes, la grabación en Sieres – Borines y coles mezcles feches en L’Infiestu, amás del so diseñu y maquetación, tamién dende Areñes, Nordés ye un trabayu 100% fechu en Piloña que ñaz col envís de viaxar por dellos llugares dientro y fuera d’Asturies.
El proyeutu Fontoria ñaz na primavera de 2017 n’el conceyu Piloña (Asturies), pero non ye hasta la seronda d’esi mesmu añu cuando llogra consolidase en forma cuartetu.

El grupu adquier tintes progresivos ensin escaezer los sones más tradicionales, entamando a fazer un amestau coles músiques d’otros llugares como Breizh, El Piamonte italianu o la música tradicional d’Europa central, somorguiándose dacuandu  nel neoclasicismu, el folk barrocu de los 60 y 70 del sieglu XX, asina como dalgún esperimentu cola música de vanguardia.

A díi de güei, afitaos como sestetu, amás de tar dando conciertos en llugares diversos y faciendo trabayos d’investigación so la cultura asturiana, vienen de finar el so primer discu nomau “Nordés”.