El xuiciu sobro la titularidá del Conservatoriu que la Mancomunidá del Nalón caltién col “Principado” pon en pelligru la continuidá d’un de los principales focos culturales d’esta cuenca, dexando amás a bon númberu de presones na cai. Esi ye’l motivu del actu entamáu pola plataforma ciudadana n’apoyu al Conservatoriu del Nalón, quienes quieren facer una llamada a les autoridaes pa que busquen una solución consensuada al coflictu.

Escolinos del Conservatoriu, Luis Núñez y “Los Folgazanes”, Mero Gutiérrez y Tom Prendes, “Música de sofá”, l’agrupación musical de la Fundación Marino Gutiérrez, la banda d’acurdiones de Villoria, la banda de música de Llaviana y el grupu de chelos del Conservatoriu del Nalón foron pasando pel quioscu de la música de La Pola, amosando non solo la preocupación de la población pol posible preslle del cientru, sinon tamién dando una demostración direuta de lo viva que ta la música na fastera, daqué que se debe en parte al llabor del Conservaoriu.