Pedro Sanchez dexa 7132 paraos más n’Asturies

  • 3 Abril, 2019

La estratexa de “creación d’emplegu” na que collaboraron Pedro Sanchez y Javier Fernández nun frutia: los datos de paru y afiliación del Ministeriu d’Emplegu y Seguridá Social espeyen que les polítiques del PSOE n’Asturies dexaron a 7.132 paraos más y 6.557 afiliaos menos a la S.S.

La espublización de los datos de paru a la fin de la llexisllatura de Pedro Sanchez comu presidente del gobiernu español espeyen un retrocesu importante nel nivel d’emplegu y afiliación a la Seguridá Social nos nueve meses qu’esti tuvo al frente l’executivu.  En concreto, Asturies pasó de los 67.992 paraos en Xunetu del 2018 a los 75.124 d’esti mes. L’espoxigue del paru nun aparó dende Xunetu fasta agora, dando malpenes un respiru na campaña navidiega, cuando quedó nes 72.804  presones, y teniendo’l picu más altu, 76.087, xusto un mes depués, en febreru.

La cifra d’afiliación a la seguridá Social, otru indicador del nivel d’emplegu, cayó un 2%, dexando un total de 361.552 trabayaores afiliaos güei, en comparanza colos 368.109 del aniciu de la llexisllatura. Esta pérda repártese de forma desigual pente’l rexime xeneral -el más perxudicáu- l’especial de la mar y los autónomos, pero el saldu ye negativu nos tres casos. El preslle definitivu de la minería foi un de los cabezaleros responsables d’esta situación, implicando la perda direuta de 361 puestos de trabayu y una cifra difícil de cuantificar n’emplegos indireutos.

Estes cifres vienen a sumase a les ya llacerioses del llexisllativu anterior, recoyendo una tendencia a la baxa que, lloñe de revertise o remitir, garra velocidá.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies