Búscase información sobro l’usu y conocimientu -o falta d’ello- del asturianu por parte la población, al traviés d’una cenciella encuesta que lleva namás unos minutos facer y cola que podemos contribuyir a recoyer la rialidá llingüística asturiana

Fiona Gehring ye estudiante de llingua española na Universidá de Freiburg (Alemania). La so investigación de la realidá llingüística del estáu llevóla a sentir falar del asturianu y de la so situación, interesándose fondamente pola evolución del nuesu idioma polo que decidió dedica-y el so trabayu de fin de carrera.

Pa ello tien abierta una encuesta cola que ta recoyendo datos a traviés de les redes sociales, compartiéndola n’estremaos grupos d’estremaes sensibilidaes llingüístiques, cola fin d’algamar una imaxe nítida de la realidá asturiana. Nella entruga cuestiones cencielles sobro l’usu personal del asturianu, el nivel de conocimientu y la reación ante la utilización del asturianu en dellos ámbetos.

Convidamos a los nuesos llectores a collaborar con ella y comprometémonos a, na midía lo posible, espeyar los resultaos de la so investigación n’InfoAsturies.

Podeis retrucar nel viniente enllaz: https://forms.gle/6v7eEhjyQ1BT61wo6

Redaición InfoAsturies

This work is licensed under a Creative Commons Attribution 4.0 International License.