En Somos Mieres amuesense ablucaos ante les declaraciones d’Izquierda Unida faciéndose col méritu de les reparaciones nel C.P. Santullano, qu’ellos llevaben reclamando de magar el 2015
L’equípu de gobiernu del conceyu de Mieres bien de decidir entamar con urxencia les obres del Colexu Públicu d’Educación Especial Santullanu, al qu’acuden rapacinos de L.lena, Mieres y Ayer. La peligrosidá de los acesos ya’l mal estáu de les istalaciones, especialmente’l patiu, les canches y l’equipamientu esportivu xustifiquen sobradamente esta aición, que foi recibía pola comunidá escolar con gayola, ya que llevaben tiempu reclamando estes actuaciones.
De fechu, afirmen dende Somos Mieres, ya en Payares del 2015 esta formación informó de la mala situación del cientru, solicitando la so reparación, recibiendo la rempuesta de que “les llabores del ayuntamientu yeren solo de caltenimientu”, seique estes tampoco se taben realizando, comu manifiesta la conceyala de Somos Mieres, Patricia García Moro, que se declaró ablucada col repentinu interés pol bientar de los escolinos por parte d’IU espeyáu nes sos declaraciones “Nun podíemos permitir que los escolinos acudieren a un cientru nestes condiciones”.
Redaición InfoAsturies
This work is licensed under a Creative Commons Attribution 4.0 International License.
