Andecha Astur presentó ayeri la so candidatura

  • 26 Marzo, 2019

La desixencia de la nueva Llei elleutoral española de pañar un altu porcentaxe de firmes comu aval pa poder presentáse a les eleiciones al Congresu y al Senáu llevó a la formación política a entamar la campaña “10.000 firmes pola República”, que finó ayeri con gran ésitu de participación

El plazu marcáu pola Xunta Elleutoral pa xuntar les más de mil firmes de presones censaes n’Asturies requiries comu “avales” a los partíos políticos ensin representación nes istituciones, finaba ayeri. Seique la mayoría de les otres formaciones nesta situación (comu PACMA o Actúa) entregaron les sos firmes el domingu 24, n’Andecha Astur prefirieron aprofitar al másimu el plazu, col envís d’apurrir más firmes de les necesaries, esperando a la nuechi d’ayeri pa facer la entrega de la documentación, cumpliendo asina coles desixencies llegales y afitando la participación d’Andecha Astur nestes elleiciones.

“Agora tenemos un compromisu con toos esos firmantes” recordó Arturu Xosé Bermeyu, cabezaleru na llista al Senáu, faciendo alusión a les pallabres de Llucía Fernández, candidata al Congresu, quien na presentación d’Agora Repúbliques -coallición de la qu’Andecha Astur forma parte- marcó l’oxetivu de “facer d’eses diez mil firmes, diez mil votos, diez mil voces, diez mil puños n’altu y diez mil  presones dimpuestes a lluchar pola Republica Asturiana”.

Andecha Astur define la campaña de recoyida comu “intensa” y con un importante sofitu social, destacando la bona acoyida que tuvo la mesma y la fuerte implicación de militantes y simpatizantes.

Nuria Prendes

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies