La necesidá de votos del PNV y la nula emportancia de los asturianos na política estatal conderga a los pescaores asturianos a tener que quedar mirando comu los pesqueros vascos lleven la xarda de la costa asturiana
El gobiernu español vuelve condergar a la flota asturiana a pescar cuatru vegaes menos de xarda qu’a la vasca: mientres un barcu asturianu puede capturar 7.391 kilos de xarda, otru vascu lleva 33.133 na mesma temporada. Los asturianos tienen la menor cuota de pesca, perbaxo la gallega, la cántabra y, por supuestu, la vasca, la más beneficiada pol repartu.
En neto, la perda de captures respeuto al ya míseru añu pasáu ye de cerca de 300 kilos, una cifra que torga la rentabilidá de les flotes pesqueres. Diecisiete de los dieciochu patrones de les cofradíes dimiten pol fechu. El gobiernu’l “Principado” llímítase a gachar la tiesta y declarase “deceicionáu” mientres asisten al desaniciu d’otru seutor básicu de la economía asturiana.
Tres tribunales dierenyos la razón ya’l mesmu ministeriu reconoció la inxusticia de los previos repartos, pero la situación creada pol gobiernu del PP repítese col del PSOE, ya incluso empeora. Los pescaores asturianos enfréntense a la que puede ser la so cabera batalla anantes de siguir los pasos de la minería.
Llucía F. Marqués
This work is licensed under a Creative Commons Attribution 4.0 International License.
