La concentración convocada por Asturies en Marcha esti sábadu al mediudíi na Plaza Conceyu de Xixón sedrá una representación dramatizada del entierru d’Asturies

Énte’l desaniciu de la industria, la minería, la ganadería, l’agricultura, la pesca, la natura, la demografía, el padremuñu, les llibertaes y drechos fundamentales y les infracadarmes asturianes, Asturies en Marcha convoca a los asturianos a una protesta especial, na que s’escenificará la “muerte” del país, como protesta, pol esmantelamientu y la situación na que ta’l nuesu territoriu.

Xunto a coleutivos sociales van metese nun ataúd los restos del mapa d’Asturies compuestu polos ciscos de tolo que van desaniciando, tres de lo que se lleerá un manifiestu. Pa Asturies en Marcha, la del nuesu país nun ye una muerte natural, sinon un llentu asesinatu: “Quieren fundir la nuesa tierra y nun lo vamos permitir ¡Queremos trabayar y vivir n’Asturies!! ¡¡Defendamos el nuesu territoriu!! ¡¡Espardamos la llucha a los demás territorios del Estáu!!”

Animen a los asistentes a acudir carauterizaos pa la ocasión: mineros, vilbos y vilbes, mazcarines anticontaminación, maletes d’emigrante, pancartes o lo que yos ocurra.

Nuria Prendes

This work is licensed under a Creative Commons Attribution 4.0 International License.