Bus solidariu a Altsasu

  • 18 Marzo, 2019

Los Centros Sociales Autoxestionaos d’Asturies afalen a participar na movilización del Domingu 24 de Marzu en desixencia de la llibertá de los 7 d’Altsasu

Los siete Centros Sociales Autoxestionaos d´Asturies: La Semiente, La Xusticia, Sestaferia, L´Apiaderu, Llar El Mataderu, Llar La Llegra y La Llume, repartios pola xeografía del país, llancen un llamamientu a participar nel bus solidariu pa tar presentes na movilización del Domingu 24 de Marzu en Altsasu a les 12:00 col llema EZDA JUSTIZIA (Nun ye Xusticia).
La idega ye sofitar cola presencia de los asturianos la revindicación social que pidi la llibertá de los 7 moces y mozos condergaos por una marraza nuecherniega con unos guardia civiles fuera de serviciu a penes de pente dos y trece años de cárcele, penes que restallen más si cabe al ser comparaes con otres impuestes recientemente por delitos reales, probaos y d’estrema gravedá nos que tamién se vieron implicaos guardies civiles.

“Agora más que nunca debemos aportar el nuesu granín dende Asturies glayando xunto coles familiares, collacies, compañeres y vecines, el domingu 24, de que nun puen tornar a callanos otra vegada más a una mocedá que nun quier ser sumiso, siguir los patrones d´esti sistema capitalista y que llucha polos sos ideales” declaren dende la organización del bus solidariu.
El bus, que saldrá a les tres y media de la tardi, recueyerá xente en Xixón, Uviéu y La Pola Sieru, ya’l viaxe cuesta 22 euros día y revolvía. P’apuntase, ye preciso contautar colos centros sociales, personalmente o a traviés de las redes sociales o  corréu lletrónicu.

Nuria Prendes

 

 

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies