Concentración de pensionistes en Piedres Blanques

  • 11 Marzo, 2019

Nel centenariu de la costitución del primer seguru social obligatoriu nel país -el seguru de vieyez o Retiru obreru- los pensionistes de Piedres Blanques llamen a concentrase pola defensa del Sistema Públicu de Pensiones

Comu miembros del movimientu de pensionistes na Coordinadora pola Defensa del Sistema Públicu de Pensiones denuncien el desmantelamientu del estáu del bientar pol que tantu se llucho de magar la segunda Guerra Mundial, proclamándose defensores de los Drechos Humanos tal comu foron promulgaos nel 1947 pola ONU.

Denuncien l’envís privatizador del gobiernu, conchaváu coles grandes corporaciones empresariales y financieres, n’oposición a un servicios públicos, universales y de calidá cola garantía del estáu. Asina mesmo, acusen a los medios d’afalar campañes de miéu ya incertidume creaes pa favorecer los contratos de planes o de seguros privaos.

Citen al poeta anarquista exiliáu León Felipe al dicir que “adurmiéronmos con tolos cuentos y sabemos tolos cuentos”, retrucando asina a los “personaxes” del mundiu de la política y de la economía periodística qu’esparden el mensaxe de que “hai que trabayar más y ganar menos, allargar la vida llaboral porque vivimos más y nun hai perres pa tantos pensionistes”. Nesi sen, dende la Plataforma son taxantes “Lo que nun hai ye pan pa tantu chorizu. Tovía los  bancos nos deben 50.000 millones d’euros de los 61.000 que yos prestamos hai 7 años. La evasión y fraude fiscal que llevanten unos 60.000 millones d’euros al añu, sigún l’asociación d’inspectores de facienda, la economía somorguiao implica 2.000 millones d’euros defraudaos a la Seguridá Social al añu, Amnistíes fiscales, rescates d’autopistas de peaxe, bonificaciones y reduciones de cotizaciones sociales que nun conlleven más emplegu, sinon más beneficiu empresarial, y la corrupción que se calcula en sobrecostes nos contratos pente 10.000 y 47.000 millones d’euros añales…”

Denuncien la probitú que carez esti país, cabezaleru en desigualdá y resalten la brecha de xéneru, que n’Asturies, tamién pente les pensionistes, ye la mayor del estáu. Por tou ello, llamen a salir a la cai y revindíquense comu únicos interlocutores sociales válidos pa dialogar col gobiernu y negociar toles cuestiones que tengan que ver coles pensiones.

La salida sedrá a les siete la tardi, dende la Plaza d’Europa, Piedres Blanques.

Llucía F. Marqués

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies