• Portada
  • >
  • Esportes
  • >
  • Ocho asturianos echen un pulsu a la diabetes col retu “Caleya pola Diabetes 2019”

Ocho asturianos echen un pulsu a la diabetes col retu “Caleya pola Diabetes 2019”

  • 7 Marzo, 2019

Ocho pelegrinos d’Asturies van participar mientres cuatro meses nos planes d’entrenamientos de l’Asociación de Diabéticos del Principáu d’Asturies (ASDIPAS) pa preparase pal retu promovíu pola Fundación pa la Diabetes ‘Camina pola diabetes’; d’ente tolos integrantes, va escoyese un grupu que va participar del 15 al 19 de xunu en cinco etapes del Camín de Santiago

Ca añu son más les persones que deciden dexar la so buelga en dalguna de les tantes rutes que conformen el Camín de Santiago’. Anguaño, la Fundación pa la Diabetes, y ASDIPAS decidieron volver calzase les zapatielles por dos motivos: el primeru y más importante, promover vezos de vida saludable ente les persones con diabetes; y el segundu, entrenar pa un gran retu, caleyar cincu etapes del Camín de Santiago.

D’esta mena ocho persones con diabetes de l’Asociación de Diabéticos del Principáu d’Asturies (ASDIPAS) entamaron a entrenar estos díes pa echa-y un pulsu a la diabetes tipu 1 y tipu 2, y amosar qu’incluyendo na so práutica diaria l’actividá física ye posible caltener controlaos los niveles de glucosa en sangre y rematar con ésitu esti desafíu. La meta nun ye namás el Camín de Santiago, trátase de crear rutines que faigan que toles persones con diabetes incorporen nel so día a día l’actividá física.

Pela so parte, Ana Mateo, Xerente de la Fundación pa la Diabetes, amosó’l so agradecimientu a toles asociaciones de pacientes y voluntarios pola so collaboración al motivar y animar, a los sos asociaos y a tola población a formar parte d’esti proyeutu, que’l so oxetivu ye preparalos física y mentalmente pa caleyar dica Santiago, amás de reforciar la so conciencia sobro lo positivo de la práctica diaria d’exerciciu y reconocer el so papel na xestión, curiáu, educación y prevención de la diabetes.

Tres esti periodu de cuatro meses d’exercitación, los estremaos ensames de pelegrinos procedentes de diverses llocalidaes del estáu van tar preparaos pa rematar con ésitu les cinco etapes del retu ‘Camina pola diabetes’. Un retu que va dar empiezu’l 15 de xunu y va rematar el 19 del mesmu mes, y nel que los 100 pelegrinos escoyíos van superar los 109 kilómetros que dixebren les llocalidaes de Neda y Santiago de Compostela, pasando por Pontedeume, Betanzos, Hospital de Gurriana, Sigüeiro y rematando’ll pelegrinaxe en Santiago de Compostela.

Mientres el Camín, un equipu de profesionales sanitarios voluntarios va encargase de recoyer datos relativos al númberu d’hipoglucemies ya hiperglucemies esperimentaes polos pelegrinos y asociaes al exerciciu físicu mientres la so participación nel retu ‘Camina pola Diabetes’, coles mires d’estudiar los efeutos del exerciciu sobro’l nivel de glucosa en sangre.

Redaición InfoAsturies

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies