• Portada
  • >
  • Asturies
  • >
  • Andecha Astur presentase a les elleiciones estatales de la man d’Agora Repúbliques

Andecha Astur presentase a les elleiciones estatales de la man d’Agora Repúbliques

  • 3 Marzo, 2019

La formación política asturiana preséntase tamién a les elleiciones europees  cola coallición que representa a les naciones ensin estáu dientro’l reinu d’España, xunto con ERC, EHBildu, BNG, Puyalón y Ahora Canarias

“La de nueso ye una candidatura de llucha poles llibertaes, contra’l facismu y polos drechos sociales, la única opción, de fechu, que tien a Asturies comu marcu de referencia y que defenderá los drechos del Pueblu Asturianu” declaró Llucía Fernández Marqués, candidata por Andecha Astur a la presidencia estatal. Arturu Xosé Bermeyu,cabezaleru na llista al Senáu, remarcó que “namás dende’l Soberanismu sedremos quien a finar cola monarquía española”.

La collaboración cola coallición tien el so precedente nos caberos comicios europeos, cuando la participación d’Andecha Astur en comuña con “Los Pueblos Deciden” (precursora d’Agora Repúbliques) permitió llevar, tanto al parlamentu européu comu al congresu español, abondes cuestiones referentes a Asturies -fondos mineros, contaminación, llingua…- qu’otros partíos con representación direuta nun quisieron abordar.

“La participación nestes elleiciones estatales del 28 d’abril n’Agora Repúbliques con otres fuercies soberanistes permite ufiertar una alternativa política con posibilidaes riales de condicionar de forma efeutiva la política a nivel d’Estáu y avanzar nel procesu d’esaniciu de la monarquía española y l’aniciu d’un procesu costituyente de Repúbliques de drechos y llibertaes presonales y colleutives”.

Pa poder presentase, en cumplimientu de lo dimpuesto na postrer reforma de la llei elleutoral, Andecha Astur tendrá de recoyer nun plazu de 20 díes -magar el 4 de marzu- la robla de más de mil presones censaes n’Asturies, qu’amuesen ensin calter vinculante la “conformidá con qu’Andecha pueda presentase a les elleiciones”, requisitu que’l partíu cuenta superar ensin problema, pero que considera “una torga antidemocrática dafechu cola que l’Estáu pretende llimitar la participación de formaciones polítiques minoritaries”.

Redaición InfoAsturies

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies