Dende Podemos Mieres reclamen al conceyu de Mieres y a la conceyalía correspondiente que se tomen darréu midíes sobro la plaga de guxanu “procesionaria” que carez el conceyu

Les altes temperatures, poco avezaes nesta dómina del añu,  facilitaron la proliferación d’esti tipu de guxanos en  parques y zones verdis, causando graves incidentes. Estos insectos son bien peligrosos pola so tosicidá prevocando nos neños que los toquen reacciones alérxiques, eccemes, irritaciones ya inclusive afuega; tocantes a perros y gatos el dañu puede ser irremediable, causando amputaciones na llingua o la muerte nel peor de los casos.

En Mieres rexistráronse 2 casos esti mes, un d’un perru, que salió ilesu pola rapidez del tratamientu veterinariu y otru que perdió parte de la llingua, entrambos nel parque de Barredo, al par del Campus, anque tamién fueron vistes nel polígonu de Vega de riba, Santa Marina, Oñón y nel paséu fluvial.

El tratamientu pa esterminar esti insectu ye bien cenciellu, consistiendo n’asitiar unes bolses nos árboles infectaos, o inyectando los pinos n’ochobre, evitando asina la so apaición.

Nuria Prendes

This work is licensed under a Creative Commons Attribution 4.0 International License.