• Portada
  • >
  • Asturies
  • >
  • Asturies: a la tiesta en desemplegaos ensin paga y a la cola de revindicación llaboral

Asturies: a la tiesta en desemplegaos ensin paga y a la cola de revindicación llaboral

  • 27 Febreiro, 2019
Acordies los datos apurrios pol estudiu  “Monitor Adecco de Oportunidades y Satisfacción en el Empleo“, que la empresa de trabayu temporal Adecco publica semestralmente, el porcentaxe de paraos de llarga duración n’Asturies ye’l más altu de la Península, con un 40’2 por ciento del conxuntu de desemplegaos
La proporción de desemplegaos que cobren prestación respeuto a los que ya nun la cobren namás baxó n’Asturies y Navarra, onde ocurre lo contrario. N’entrambos territorios, cuasi la metá de les presones desemplegaes nun cuenten con prestaciones.El fechu qu’Asturies seya la quinta parte del estáu con remuneración media más alta (1.663 € al mes) y al mesmu tiempu, una de les que mayor porcentaxe de trabayos precarios caltién, indica lo descomanao de la brecha salarial pente los que más cobren n’Asturies y los que menores sueldos perciben; pero esta media tamién se beneficia del primer datu mencionáu, ya que al facer el cálculu nun entren los cuarentamil llargos que nun cobren absolutamente res, por tener finalizaes les prestaciones por desemplegu. En cualisquier casu, la media salarial nun medró nin un céntimu nel caberu añu, colo que la cayida de poder alquisitivu amenorgóse nun 0’8 %.Como nota positiva, el nivel de siniestralidá respeuto al añu 2013 ye un 1% más baxu, consecuencia del desaniciu de trabayos d’altu riesgu comu la minería o la costrución.

Tou esto vien sofitao nun caberu datu: no que cinca a la conflictividá llaboral, el númberu de fuelguistes baxó en cuasi un sesenta por cientu. Pasamos de ser una de les fasteres más revindicatives del estáu a ser una de les más resignaes. A velo venir.

Nuria Prendes

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies