• Portada
  • >
  • Asturies
  • >
  • Asturfobia nes redes: “Woman in power Asturias” prohibe l’usu del asturianu

Asturfobia nes redes: “Woman in power Asturias” prohibe l’usu del asturianu

  • 23 Febreru, 2019

El grupu “Woman in Power” prohibe a les sos participantes escribir n’asturianu, depués d’espulsar a una moza qu’escribió nesta llingua un post entrugando por una espublización previa sobre’l 8 M

Tienen nome n’inglés mal escrito (a nun ser que seya grupu pa una sola muyer) y, a xulgar pol so reglamentu, dificultades pa redactar n’español, pero permítense dispreciar a les qu’escriben n’asturianu.

Tampocu quieren nel so foru, que “nace para mejorar la vida de las mujeres espanola”, comentarios que puedan abultar de calter feminista.

De fechu, los post y comentarios n’asturianu yeren avezaos fasta que, tres d’una espirica pola conveniencia o non de falar del 8M nel grupu (les alministraores esborriarion un post anunciando la fuelga) una de les participantes entrugó, n’asturianu, cual yera’l problema. Los comentarios ofensivos nun entardaron en surdir per parte d’otres dos muyeres del grupu qu’afirmaben “nun pescanciar la entrada” y sentise ofendies, entemecios con comentarios de delles que defendien el drechu a falar na propia llingua.

La cuestión foi encendiéndose y finó cola espulsión de la muyer qu’anició’l post, añadiéndose darréu que “A parte de esto y en el modo más tajante, no son admitidas mas polemicas de ningun tipo porque aqui construimos. En el reglamento no habia escrito y lo añado en este momento que no sera admitido el asturiano” (la falta de tildes débese a una trascripción lliteral del testu).

Comu reación a esti ataque, munches muyeres abandonaron el grupu, entamando una campaña de denuncia en facebook, onde se ta denunciando a WIP por “acosu y bullying” y creando un nuevu grupu, Muyeres Fuertes d’Asturies (MuFu) que dea acoyía a les que quieran continuar cola que teóricamente yera l’enfotu de Woman in power, ello ye, dase sofitu pente elles aprofitando les oportunidaes qu’ufren les redes sociales.

Nuria Prendes

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies