Esti próximu llunes 11 de febreru en Zaragoza tendrá llugar el II Alcuentru d’Academies de Cine, nel que participará l’asturiana por primer vegada
Marisa Vallejo -vicepresidenta de l’ACA- y Graciela Mier sedrán les encargaes de representar a Asturies nesti eventu internacional nel que tendrán la oportunidá d’afitar llazos y compartir esperiencies coles qu’arriquecer toles aiciones que ta llevando a cabu esta Academ a, col envís d’ameyorar la creación cinematográfica n’Asturies.
Xunto cola valenciana, l’Academia Asturiana sedrá la nueva incorporación a esti alcuentru nel qu’aconceyen academies de cine de tola Península y nel que se tratarán cuestiones comu la importancia de la esistencia de les academies nesti intre hestóricu, canales de financiación y perspeutives de futuru. Nel trescursu d’estes xornaes tamién se fadrán los contautos pal desendolcu de proyeutos comunes y puesta en común d’esperiencies.
L’Academia del Cine Asturiano naz en 2018 col propósitu de la meyora de les creaciones cinematográfiques asturianes apoyándose de primeres en trés pegollos: Identificar el cine asturiano y toes aquelles persones que participen del mesmu, axuntar a tol sector buscando puntos d’alcuentru
y dignificar el Cine Asturiano, al traviés de la reconocencia del cine y los sos profesionales, realizando para ello un llabor d’espardimientu y pedagoxía énte’l públicu y les instituciones.
Redaición InfoAsturies
This work is licensed under a Creative Commons Attribution 4.0 International License.
