• Portada
  • >
  • Cultura
  • >
  • Eva Tejedor y Les Pandereteres abren un “Crowdfounding” pal so nuevu discu

Eva Tejedor y Les Pandereteres abren un “Crowdfounding” pal so nuevu discu

  • 12 Febreiro, 2019

La recoyida de fondos, que lleva un die’n marcha, ya cuenta con 24 mecenes, pero entá precisa xuntar otros 1759 € p’altamar el so oxetivu

Ta previsto qu’el discu entame a grabase pente esti mes ya’l que vien y que te a la venta pa la primavera. Nelli recoyeráse la obra d’Eva Tejedor, cantante y panderetera, con un garrapiellu de les sos escolines de música, Les Pandereteres, que ya collaboraron con ella n’anteriores trabayos.

Nesti trabayu alcontraránse tantu temes tradicionales comu compuestos por Eva, siempres cola visión musical llibre, abierta y desenfadao que les carauteriza.

Los mecenes qu’apurran perres pa facer posible’l proyeutu recibirán, de magar Xunu, el CD en formatu físicu y dixital, una postal dedicada, una Camiseta Eva Tejedor & Les Pandereteres con una Bolsa especial, la Pandereta esclusiva diseñada por Eva Tejedor, participación en Masterclass y/o entraes pa los conciertos a capella y acusticu, en función de les cantidaes inverties.

Eva Tejedor tien discos grabaos con Tejedor (“Texedores de suaños”, “Lunáticos” y “música na maleta”) con Victor Manuel (“Fecho n’Asturies”) ya en solitario con collaboración de Les Pandereteres (“Ramos en Peñamellera baja”). Ye ganadora de tres premios AMAS, un premiu de percusión tradicional Manegueru de Nava, un a la meyor canción n’asturianu pol tema “Seique non” otorgáu pola Academia de la Músical ya’l “Urogallo de bronce especial”, galardón concedíu pol centru Asturianu de Madrí, por el proyeutu Eva Tejedor & Les Pandereteres, qu’agora quieren llevar a discu. Anguañu Eva ye profesora de percusión tradicional na escuela de música de Castrillón,  la de  Veiga’l Cubia de Grau y direutora de la banda Gaites Conceyu Grau.

La formación “Les Pandereteres” presentase oficialmente en 2017, ya cola so formación actual y los músicos Javi Tejedor, Rubén Bada y Pepin de Muñalén. Dende entos participaron n’abondos conciertos y festivales (nacionales ya internacionales) charres, folixes, proyeutos solidarios, culturales y sociales… nestos cuatro años collaboraron con abondos grupos y proyeutos, comu la Banda Gaites “El Trasno” de Cuaña o la Banda de Música Ciudá d’Uviéu.

Llucía F. Marqués

 

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies