Xunto a la desapaición de puestos de trabayu, la precarización ye otra de les consecuencies de les polítiques aplicaes pol gobiernu español p’Asturies: el  pesu de los emplegos a tiempu parcial medró en 3’1 puntos de magar el 2002 y la tasa de temporalidá medró cerca d’un puntu, xorreciendo tamién los índices de rotación. Esto déxanos 9.600 desemplegaos más y 20.700 trabayaores menos a xornada completa en namás siete años.

Amás de tou esto, dende CCOO Asturies denuncien que la reforma llaboral abarató y facilitó’l despidu comu enxamás, prevocó la cayida de los salarios y desanició la negociación coleutiva.

En conxuntu, la precariedá llaboral y la inestabilidá del emplegu, con una importante perda de poder alquisitivu que, a la contra de lo qu’ocurre n’otros puntos del estáu, nun ta recuperándose, faen d’Asturies un país nel que ye ca vegada más difícil quedase a vivir o decidise a meyorar el baxísimu indiz de natalidá.

Nuria Prendes