Referendum sobre la monarquía española nes universidaes asturianes

  • 7 Febreru, 2019

Güei los universitarios asturianos deciden nun referendum simbólicu si tan a favor o en contra de ser súbditos de la corona española

Los Campus de La Llaboral y EPI (Xixón) El Milán, El Cristo y Llamaquique (Uviéu) cuntarán con urnes de diez de la mañana a ocho de la tarde, nes que los estudiantes podrán posar el so votu a favor o en contra de la continuidá de la monarquía española y del drechu a decidir el marco en el que quieren vivir, ya que non solo cuestionen la xefatura del Estáu, sinon tamién el modelu de sociedá.

 

Estes votaciones, que ya se fexeron en delles universidaes estatales (Universidad Autónoma de Madrid, la Complutense, la Rey Juan Carlos, la Carlos III, la Pompeu Fabra, la Universidad de Barcelona, A Coruña, Alicante, Zaragoza, La Laguna…)  non solo quieren amosar la opinión de los estudiantes sinon que pretenden “entamar un procesu costituyente repúblicanu nel estáu español que fine cola sumisión a una istitución de corte medieval y heriedera del franquismu”.

Na papeleta que tará a dimposición de los universitarios podrán marcase con “si” o “non” tres cencielles entrugues. Na primera, respuéndese cenciellamente al drechu de la ciudadanía a decidir sobro’l modelu d’estáu nel que viven; la segunda alude direutamente a l’abolición de la Monarquía y a l’entamu d’una República y finalmente na cabera déxase abierta la posibilidá a entamar procesos costituyentes “onde decidilo too”.

La falta de censu, por mor de les restriciones de la Llei de Proteición de Datos, nun permite facer una votación con garantíes, polo que los sos organizadores reconocen que’l so valor ye simbólicu, pero non por ello pocu importante, ya que tan abriendo un alderique decisivo y necesariu na comunidá universitaria. Mañana sabremos si la mocedá asturiana ta dimpuesta a abrir un procesu qu’implique un cambeu de modelu políticu, económicu y social.

 

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies