Internet ye anguañu el canal d’información más utilizáu, especialmente pola mocedá, y Youtube un de los medios más espardios y utilizaos. Al traviés d’esti  concursu, La canal PlayPresta y la productora Cuatro Gotes Producciones traten de meyorar la presencia del asturianu nesti mediu, afalar a los youtubers a utilizalu y visibilizar al traviés de la rede l’usu d’esti idioma. Pa ello la plataforma PlayPresta cuenta entamar delles actividaes de difusión y visibilización de los proyeutos presentaos n’institutos y eventos culturales.

Amás, la canal busca nuevos talentos pa la so plantiya pente los participantes al concursu, que ta abiertu a toles propuestes posibles y organizáu n’estayes por edaes

Los vidios presentaos tendrán una duración menor de 5 minutos y podrán unviase n’archivu o colgase en como YouTube, de forma pública o privada anantes del 15 d’abril a les 23:59, previa iscripción.

El xuráu del concursu, que tendrá estremaos premios en función de la estaya del participante (reciella, mocedá o adultos), tará  formáu pol equipu téunicu de PlayPresta, presentadores de la canal y otres persones venceyaes al audiovisual asturianu y a la normalización llingüística.

Redaición InfoAsturies

This work is licensed under a Creative Commons Attribution 4.0 International License.