• Portada
  • >
  • Asturies
  • >
  • Andecha Astur presenta nel Senáu 10 cuestiones sobro les inundaciones

Andecha Astur presenta nel Senáu 10 cuestiones sobro les inundaciones

  • 6 Febreiro, 2019

A traviés de Jon Iñarritu (EhBildu) y de la rellación de los partidos pola so pertenencia a Los Pueblos Deciden/Agora Repúbliques, Andecha Astur treslladó al Senáu’l so esmolecimientu y la convicción de que’l mal estáu de los calces fluviales, rede ferroviaria y de carreteres tan nel orixe de los desproporcionaos daños producios poles lluvies del mes pasáu, polo que, énte la pasividá de los senaores asturianos y del gobiernu del “Principado” pidi responsabilidaes y soluciones

Les caberes inundaciones xeneraron pérdides asgaya, tantu materiales comu humanes, causando la muerte a cuatro presones, presllando la rede ferroviaria y causando abondos daños en carreteres, víes ferroviaries, centros sanitarios, edificios e infracadarmes públiques, viviendes y propiedaes particulares, fasteres agroganaderes, industries y comercios. Andecha Astur acusa al “Principado” y a los grupos nelli representaos de inactividá y falta de reación énte la llaceria y pidi rempuestes qu’aiden a determinar responsabilidaes y alcontrar soluciones.

Al traviés de diez entrugues, que foron presentaes nel Senáu por Jon Iñarritu, senaor d’EH Bildu –organización coalligada con Andecha Astur en Los Pueblos Deciden- trátase de determinar cual ye’l grau de responsabilidá del gubiernu cientral y más concretamente de la Confederación Hidrográfica del Cantábricu (CHC) dependiente del Ministeriu español pa la Transición Ecolóxica y dirixíu anguañu por Teresa Ribera Rodríguez (PSOE).

En cuantes a les reaciones del gobiernu asturianu, el mesmu presidente nun interrumpió poles muertes la so actividá vacacional en Madrid, ufriéndo semeyes na Feria de Turismu, mentantu’l parllamentu asturianu nun aconceyará dica mañana, 7 de febreru, depués de dos meses d’inactividá. Per otru llau,  Andecha Astur denuncia que los senaores asturianos “entá nun presentaren denguna triba d’iniciaiva al respeutu, nin s’esmolecieron por esclariar los fechos y determinar responsabilidaes, conformándose nos más de los casos a rializar declaraciones valeres ensin otra función nin conteníu que la utilización mediático de lo sucedío”.

Les entrugues presentaes, que van acompangaes d’un informe de los fechos y pérdides, incluin cuestiones comu porque namás se desendolcaron el 26 % de les aiciones de caltenimientu de calces presupuestaes pal 2.018 y plantega la esistencia d’informes de causes, situación previa de los rios, carreteres y vies, daños y valoración económica, desixendo que se concreten actuaciones y presupuestos pa torgar la repetición de la llaceria. Entruguen tamién pola esistencia d’un mapa actualizáu de fasteres inundables d’Asturies, un total de 6.560 hectáries nes que viven más de 6.300 presones, asina comu d’un plan específicu económicamente dotáu pa protexeles.

Nuria Prendes

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies