• Portada
  • >
  • Asturies
  • >
  • Andecha Astur anuncia en Conceyu Nacional la so participación na coalición “Agora Repúbliques”

Andecha Astur anuncia en Conceyu Nacional la so participación na coalición “Agora Repúbliques”

  • 29 Xaneiro, 2019

Nes sos intervenciones Josu Juaristi, anterior eurodiputáu pola coalición “Los Pueblos deciden”, y Llucía F. Marqués, d’Andecha Astur, coincidieron en llamar a la xunidá d’aición y al compromisu nun intre críticu a nivel nacional y européu

Josu Juaristi amosose sinceramente esmolecíu pola deriva del parlamentu européu, que tres de les prósimes eleiciones podría cuntar fasta con un 25% de representación de la estrema drecha. La gravedá de la situación, declaró, “desixe que les naciones actuemos, tantu ante l’Estáu  Español como ante la Xunión europea. Eso riqueriría que’l conxuntu de fuercies soberanistes y republicanes de los pueblos del estáu actuen de forma coordinada nesti espaciu políticu de dialogu y trabayu”.

Tamién anunció que la nueva coalición, pa la que se propón el nome de “Agora Repúbliques” sedrá más amplia y más fuerte que l’anterior “La nuesa intención ye sumar el mayor númberu posible de fuercies soberanistes y republicanes”. Nella, amás d’Andecha Astur ta confirmada la participación d‘Esquerra Republicana de Catalunya (ERC), Euskal Herria Bildu (EH Bildu) los aragoneses de Puyalón de Cuchas, los canarios UP, UNC y CNC y el Bloque Nacionalista Galego (BNG), seique continúa la negociación con otros grupos.

Agora Repúbliques preséntase comu una coalición muncho más potente que l’actual que obligue al estáu español y a la Xunión Europea a mirar con otros güeyos a les naciones ensin estáu dientro del reinu d’España, una opción que seya “Non solo un cotrapesu al poder del estaáu sinon que xenere una ilusión nes nueses sociedaes”, ufriendo, nesti contestu d’involución democrática, la posibilidá de revertir la situación y xenerar otros modelos de sociedá estremaos, más xustos, más igualitarios y más llibres.

Nesi mesmu sen, Llucía Fernández presentó a Andecha Astur comu la única fuercia política asturiana capaz de presentar “un proyeutu social viable de tresformación social en tolos ámbetos que de rempuesta a los pruyimientos del pueblu asturianu”, recalcando tamién la necesidá de tresmitir al a sociedá asturiana, al traviés del compromisu y la xunidá d’aición, un mensaxe contrariu al catastrofismu xeneral, faciendo ver qu’esiste una alternativa pa sacar alantre Asturies.

Amás de la participación nes elleiciones europees con Agora Repúbliques, Andecha Astur preséntase a les nacionales con un programa alcordáu en comuña nel Conceyu Nacional y a les elleiciones de conceyu xuniéndose, nos casos afayaizos, a les candidatures populares d’izquierdes y por llibre n’otres.

Redaición InfoAsturies

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies