Denuncien que la devaluación salarial costante que carecen de magar en 2.010 allonxalos más cada vegada de la recuperación del so poder alquisitivu
Los retayos nos salarios del cuerpu docente asturianu entamaron sol gobiernu del espresidente del PSOE Zapatero, qu’aplicó un retayu d’ente’l 5%-7%. A ello siguiéron-y 6 años de sueldos xelaos a los que namás se puede sumar unes xubíes del 1% añal nos años 2016, 2017 y 2018 que nun algamaron siquiera pa revertir los retayos. Nel mesmu periodo de tiempu, la xubida acumulao del IPC foi d’un 12’8%, ello ye, que pente retayos y xubies un mayestru cobrará un 2% menos que nel 2009, sumando una perda de capacidá alquisitiva de pente’l 16 ya’l 17%.
Pa recuperar esta perda sedría preciso que nel 2019 se xubieren los sueldos esi mesmu porcentaxe, pero llonxe d’ello establezse una xubida salarial fixa pal añu 2019 d’un 2,37%, cifra mui lloñe de la necesaria pa la recuperación salarial, pa la que sedría menester aumentar el salariu nun 16% aprosimao.
Nesi sen, dende’l Sindicatu d’Ensiñantes Asturianos SUATEA, col envís non namás de recuperar, sinón d’ameyorar los sos salarios, desixen una xubida llinial pa toos y toes qu’igüe la perda de la masa salarial d’estos caberos años, ensin sometela a denguna condición y dempués d’algamada la recuperación, una meyora añal del poder adquisitivu con xubíes salariales superiores al IPC.
Redaición InfoAsturies
This work is licensed under a Creative Commons Attribution 4.0 International License.
