• Portada
  • >
  • Asturies
  • >
  • Vicente Alvarez Areces: L’home que nun sabía nada desapaez con un “sinpa”

Vicente Alvarez Areces: L’home que nun sabía nada desapaez con un “sinpa”

  • 17 Xaneiro, 2019

Muerre Vicente Álvarez Areces dexando tres de sí un enorme vacíu: el de les decenes de miles d’asturianos obligaos a emigrar, el de les mines presllaes, el naval arruináu, el campu,la pesca, les arques públiques asturianes, esquilmaes…


La sociedá asturiana, y mui especialmente la mocedá asturiana, afalada al paru, la precariedá y la emigración forciada gracies a les polítiques de personaxes comu Álvarez Areces, sumisu representante de Madrid n’Asturies, llamenta la muerte de Tini; pero non porque se-y vaiga a echar en falta, sinon porque coló ensin pagar.
La so solombra en tolos casos de corupción n´Asturies yera pergrande: Casu Ayer, casu Aquagest, casu Cuideiru, casu El Musel, casu Grandas de Salime, casu Hulla, casu La Camocha, casu Riopedre, casu Zalia,casu Niemeyer, casu Villa…pero la fiscalía nun s’atrevió nunca col capo Areces y a la fin cuela faciendo un “sinpa”, mui na so llinia.
De magar l’añu 1999, cuando entamó la so carrera política comu alcalde nel conceyu Xixón, fasta’l so caberu aliendu, Tini tapeció y facilitó l’espoliu sistemáticu al que la mafia PSOE-SOMA-UXT sometió al pueblu asturianu, asistiendo encantáu al desmantelamientu de la minería y la industria asturiana entantu repartía panchón colos suyos. Enxamás nun se-y pidieron llegalmente responsabilidaes y aportó al so caberu díi ensin dar cuentes de tou ello.
La trama mafiosa asturiana nun sedría posible ensin el conocimientu y participación de Tini, pero elli nun sabía res. Nun sabía lo de Riopedre, nun sabía lo de Villa, nun sabía lo del SOMA-UGT, nun sabía lo d’El Musel, nun sabía lo del Niemeyer… Taba metíu en too pero nun sabía ná.
Nun contentu con ello, sistematizó la represión llingüística, torgando la oficialidá y favoreciendo la galleguización del ocidente asturianu.
La muerte d’un presonaxe nun tien d’esimilu de la so responsabilidá hestórica, y la de Vicente Álvarez Areces ye grande. Que los asturianos nun lo escaezan.
Redaición InfoAsturies

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies