• Portada
  • >
  • Conceyos
  • >
  • Gráu merca’l tarrén cola mayor fuesa común del conceyu

Gráu merca’l tarrén cola mayor fuesa común del conceyu

  • 16 Xineru, 2019

Nos 12.183 metros cuadraos, agora propiedá del Conceyu Gráu, tan enterraos alrodiu de 300 asesinaos pol franquismu

 

Asturies ta estrada de muertos; fueses comunes y cunetes ensin nomes onde los restos de miles d’asturianos que llucharon pol país siguin esperando el so reconocimientu. Les sos families continuen aguardando por ellos. Dacuandu, daquién da un tímidu pasu faza la recuperación d’esta parte de la nuesa memoria hestórica.

En Gráu hai 16 fueses comunes conocies, seique denguna del calibre de la que l’Ayuntamientu de Gráu vien de mercar, por 64.919 euros. Nes tres finques en El Rellán, agora propiedá pública, alcuéntrase la mayor fuesa común del conceyu y una de les mayores  d’Asturies. L’oxetivu de la transación ye, acordies los responsables municipales, dignificar el tarrén, ya que fasta va pocu había una corripa y entá hai dos viviendes enrriba l’espaciu nel que s’albidra que descansen los restos d’al menos 300 víctimes, tantu de la Guerra Civil comu de la posterior represión; namás 29 d’elles tan identificaes pel intre, con edaes d’ente 13 y 80 años.

Nos planes del consistoriu entra ponese’n contautu coles families pa tener en cuenta los sos deseyos anantes de proceder a la recuperación ya identificación de los restos, asina comu la correcha recoyida de datos sobro les circustancies nes que foron asesinaos.

 

Nuria Prendes

 

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies