La bona acoyida de la primer edición d’esta obra de la polifacética escritora y retratista Helena Trexu Fombella fizo que l’Asociación decidiere reeditala

Güei, vienres 11 de Xineru, la llibrería “La Buena Letra” de Xixón acoyerá la presentación del llibru “Mitoloxía pa rapacinos y rapacines”, versión que tien l’entítulu actualizáu col envís de facelu inda más inclusivu, pero que recueye la mesma obra cola que l’autora avera la mitoloxía del país a la reciella, acompangao de les prestoses illustraciones de Violeta Sanchez.

La presentación sedrá abierta y a ella tan convidaos tolos interesaos n’esparder pente la reciella la cultura asturiana, mui especialmente los docentes, ya que la inclusión nel llibru de cancios, dichos y actividaes, xunío al interés cultural mesmu del tema escoyíu, faen d’esta obra un preséu interesante pal so usu nel aula.

Redaición InfoAsturies

This work is licensed under a Creative Commons Attribution 4.0 International License.