La IV Encuesta de Salú p’ Asturies recueye qu’una de ca diez asturianes y 3 de cada cien asturianos carecieron dalguna triba d’abusu, maltratu o violencia. La gran desemeyanza (amás de la triple frecuencia) pente los dos xéneros ta en que de les muyeres la violencia provien nel 76’3% de los casos de les pareyes o espareyes, entantu que de los homes abusen familiares y conocios (61’6 %), con menos d’un 20% qu’acusa a la pareya.
L’estudiu ciéntrase nel maltratu, violencia o abusu, seya sicolóxicu, físicu o mental, ensin cientrase de man en dengún xéneru o situación. Lo que cientra les víctimes nun xéneru concretu son los resultaos: Un 9,9% de les asturianes encuestaes confesaron que carecieren estes violencies n’una o delles ocasiones, asina como un 3’3% de los homes, comprebándose un descensu nestos caberos respeutu a años anteriores.
L’estudiu tamién apunta con bultable claridá l’orixe de les agresiones: nel casu de les muyeres, el 76’3% de les mesmes provinieron de la pareya o es-pareya, entantu que menos del 20% de los homes que carecieron violencia culpen a les sos pareyes. Sicasí, los caberos estudios del CIS apunten a que naide (0%) n’Asturies considera la violencia de xeneru comu un de los sos principales esmolecimientos.
Por edaes, les presones mayores son les que más apunten a la violencia en pareya, pero un esmolecedor 8,2% de les muyeres d’entre 15 y 30 años declaren ser víctimes del maltratu, lo qu’apunta a una tendencia a carecer estos fechos ca vegada más neñes.
Nuria Prendes
This work is licensed under a Creative Commons Attribution 4.0 International License.
