Os Reises del Valledor, una ancestral mazcarada que cumple diez años dende que foi recuperada y que garra más puxu cada edición, ufren la posibilidá de cellebrar estes feches al estilu más netamente asturianu, al marxe de folixes navidiegues y campañes comerciales
Esti añu cellébrase amás un concursu de semeyes de Os Reises, dotáu con un premiu de 250€ pa la meyor imaxe y de 150 pa la segunda.La folixa, como nun pue ser d’otra mena, finará con una xinta popular pa tolos asistentes.
Esti vezu recuperóse dempués de mediu sieglu gracies a los testimonios de los vecinos del Valledor y al so enfotu na recuperación de les sos braeres señes d’identidá cultural, asina como pol sofitu necesariu del Conceyu d’Ayande, asociaciones de vecinos ya investigadores del folclor, que desinteresadamente collaboraron nesta tradición, empobinada nel marcu y contestu onde braeramente tien xeitu y sentíu: nos llugares que lo caltuvieron vivo y dientro d’esi universu que dende hai milenta años vien iguando la tradición.
Nuria Prendes
This work is licensed under a Creative Commons Attribution 4.0 International License.
