Centralismu y sumisión

  • 28 Avientu, 2018

 

Marcos A. Fernandi

 

 

Lleo un interesante artículu sobro como’l centralismu económicu español ta achuquinando Asturies y que fina desixendo un  “Gobierno asturiano de verdad para gobernar y gestionar y no para lloriquear (sin éxito) a Madrid”. Una versión daqué esllavazada na llinia de lo que’l nacionalismu asturianu vien denunciando y desixendo dende cuantayá, y cuando me pongo a mirar descubro que l’autor ye Nicolás Bardio, miembru de la sucursal madrilana n’Asturies de Podemos; y lo primero que se m’ocurre ye cómu se pue ser tan hipócrita pa criticar lo mesmo que se provoca; porque la sumisión, el sucursalismu, el servilismu a los amos de Madrid… ye precisamente lo que permite lo que denuncia nel so artículu.

Pero conozo daqué a Nicolás Bardio, y sé que nun ye d’eses presones, y que realmente nun pretende engañar a naide, sinón que frente a lo evidente y por estraño que pueda abultar, de dalguna manera cree no que ta diciéndo.

Y ocúrreseme camentar que ye posible qu’el restu de los sos collacios sucursalistes n’Asturies, non solo los de Podemos, sinón tamién del PSOE, PP, IU… tampoco nun seyan coscientes de qu’ellos, la so dependencia y sumisión a Madrid, son el problema d’Asturies.

Píénsolo y respígome.

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies