A los que caltienen el discursu de la “imposición” de la llingua asturiana, Inaciu Iglesias convidalos a dar la vuelta al espeyu y mirar quien ye’l qu’impón, prohibe, marxina y marafundia

Garrao del Facebook d’Inaciu Iglesias

Nun cuela.

A los que táis en contra del asturianu y vos gusta dir de mártires, nun vos cuela.

Nun sois capaces de poner un solu exemplu d’imposición, de marxinación, de simple obligación d’usar l’asturianu; nin siquier d’espilfarru. Y, al aviesu, si falamos de castellanización, podemos poner decenes, cientos, miles d’exemplos.

La verdá ye que lo único que vos pasa, a dalgunos, ye que nun soportáis qu’otros usen -usemos- l’asturianu. Y acusáisnos de too y dicís tontures y eso tien un nome: intolerancia. Pero’l sentíu común y l’educación y la democracia acabarán imponiéndose y la costitución va cumplise y l’asturianu va volver a les instituciones; d’onde nunca tuvo de salir.

Esa ye la única realidá: que la oficialidá ye imparable

This work is licensed under a Creative Commons Attribution 4.0 International License.