Asturies sofita la fuelga navidiega de trabayadores de supermercaos

  • 12 Avientu, 2018

Asociaciones de consumidores y de vecinos, piqueños comerciantes y fasta dalgún Conceyu (el de Xixón, por agora) sofiten oficialmente la fuelga que presllará estes navidaes la mayoría de los cientros comerciales

Por mor de la ruptura de la negociación coleutiva, los supermercaos asturianos nun tendrán quien los atienda nes feches más señalaes del añu (esceición fecha de Mercadona que vien de firmar un conveniu colleutivu qu’asegura un salariu mínimu de 1.300 €). Tampoco nunimportará muncho: los asturianos ya decidieron qu’esos díis, salvo solución previa, nun dirán a mercar.
Una peculiaridá emportante d’esta fuelga ye que, si bien a posteriori los sindicatos dieron el so sofitu, la mesma foi plantegada polos trabayadores, y non por dala organización sindical.
Per otru lláu, la rempuesta del Pueblu Asturianu énte la convocatoria nun pudo ser más solidaria: los consumidores nun mercarán nos supermercaos nesos díis si anantes nun s’algama un conveniu que satisfaga a les partes.A diferencia d’otros conflictos llaborales, nos que los afeutaos se cientren nuna determinada zona xeográfica o nun ámbetu específicu, los minoristes de l’alimentación espárdense’n más de 300 establecimientos per tol país.  Son les nueses familiares (falo en femenín por ser esti un seutor de mui nidia prevalencia de muyeres), les nueses collacies, vecines, más de 12.000 trabayaores a les que vemos tolos díes y de les que sabemos que tienen un horariu duru ya un sueldu escasu.
Los díes anantes de Nadal y Añu Nueu (22, 23, 24, 29, 30 y 31), de xuro les de más consumu del añu, nun dirán a trabayar. Les condiciones nesti seutor nun foron nunca de les meyores: horarios estensibles, salarios ruinos… la cabera prevocación aportó na negociación del nuevu conveniu coleutivu cola patronal.
Nun seutor nel que sueldu mediu ronda los 770 euros, mui cerca del Salariu Mínimu Interprofesional, los trabayaores solicitaron un incrementu llinial de 50 €, ello ye, una media de pocu más d’ochocientos euros, coles correspondientes variaciones acordies el puestu. Na negociación los sindicatos aceutaron rebaxar a un aumentu del 2’8% , llegando a falase del 2’5%, cambiu que por ser porcentual perxudicaba especialmente a los trabayadores de menor sueldu; amás solicitaben un díe más de vacaciones y otru de llibre disposición. Sicasí, la patronal presllóse’n banda ufriendo una subida llinial de namás 11 euros al mes, daqué que foi considerao polos trabayadores como una tomadura de pelu.
El problema vien de lloñe, en 2015 xeláronse los sueldos y pente 2016 y 2017 subió pocu más del 2%, ello ye, que nos caberos cuatro años, periodu nel que la vida subió un 11%, los sos salarios medraron namás un 2%, perdiendo un 8% de capacidá alquisitiva.Trátase d’un sector llaboral fondamente feminizáu -8 de cada diez trabayadores son muyeres y los homes concéntrense, na so mayoría, nos puestos direutivos- daqué que, tradicionalmente, s’identifica con un seutor de baxa conflictividá al que nun se-y toma mui en serio les desixencies. De fechu, esta ye la so primer movilización y promete ser masiva.

Sicasí, la fuelga podría nun se cellebrar si el Serviciu Asturianu de Solución Estraxudicial de Conflictos consigue facer que les negociaciones algamen bon puertu anantes de les feches señalaes.

Nuria Prendes

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies