Asturies: 40 años de ralentización económica

  • 10 Decembro, 2018

Acordies los datos apurrios por un estudiu de la Fundación d’Estudios d’Economía Aplicada (Fedea), Asturies ye l’únicu territoriu del estáu que se caltién perbaxo del 100% de xorrecimientu del P.I.B nos caberos cuarenta años. Nel mesmu tiempu el desemplegu medró cerca d’un 294% y la población cayo nun 6’8%; la xestión económica n’Asturies nesti tiempu foi y sigui siendo tan deficiente que nun se pescancia si nun ye a costafecha

 

De magar la “transición” tolos territorios del estáu foron recuparándose económicamente, colos altibaxos marcaos poles estremaes “crisis” fasta algamar, nestes cuatro décades, como mínimo duplicar el so P.I.B. . Namás Asturies queda mui perdebaxo d’esi llogru, con un xorrecimientu netu del 83%, lloñe del siguiente al que pior-y va, con un 112%, que curiosamente ye l’antiguamente tamién parte d’Asturies, Cantabria. Los datos estatales, sicasí, acérquense a triplicar el so PIB, con una media del 175% y delles comunidaes que pasen del 200%.

Asturies medra, pero tan sele que nun sigui el pasu, tan pali que pali que’l nuesu avance, dientro la economía global, equival a un retrocesu. Les polítiques económiques ya industriales que mos caltienen en continua fase de “reconversión”, l’encerriscamientu nel turismu como única opción, l’abandonu de les actividaes rurales y sobro tou, la pérdida continua d’industria son dalgunes de les pistes pa comprender porqué un país especialmente ricu por ñatura y con una man d’obra que destaca pola so alta formación s’alcuentra nesta situación. L’emplegu n’industria cayó nun -42%, entantu subía un 5% n’España; en xeneral, perdimos un 2’4% de trabayaores nel mesmu periodu que n’España crecíen un 46’7% los puestos de trabayu.

L’abandonu de la población más mozo y meyor formao ye al tiempu causa y consecuencia de tolo anterior, colo qu’entramos nuna espiral de dificil salida, na que ye urxente la toma de decisiones valientes qu’apuesten por alternatives viables de futuru, que pongan a Asturies como cientru de la so propia recuperación.

Llucía F. Marqués

 

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies