Los aficionaos a los oricios tendrán d’esperar un pocu más pa poder esfrutar d’una ración d’ellos del país: la veda a la recoyida del paracentrotrus lividus n’Asturies allárgase dica’l trenta setiembre del 2020

L’alta demanda de la hostelería asturiana d’esti saborguiosu equinoidéu tuvo a piques de llevalu a la so desapaición nes nueses costes, daqué que llevó a la Conseyería de Desendolcu Rural y Recursos Naturales a anunciar, n’abril del 2013, la prohibición de la so pesca. Ante la llenta recuperación d’esta especie, vien d’anunciase  una nueva ampliación de la so veda.

Esperábase que la pesca se permitiere de magar el 31 d’Avientu del 2018, pero les revisiones feches esta seronda nes costes asturianes desaconseyen la reapertura de la veda. Esta situación vien repitiéndose de magar el 2013, cuando se dictó una moratoria de 8 meses que ya naquel intre si vio que sedría insuficiente. En Setiembre del 2016 propúsose una nueva veda, que foi ampliándose mes a mes dica güei, que se decidió dexar de revisar la cuestión mensualmente y allargar direutamente la veda dica’l 2020.

La pesca furtiva -problema qu’afeuta tamién a otres especies en peligru, comu la gula- ya’l deterioru de los espacios marinos, tanto por contaminación comu pol cambiu climáticu, son les principales torgues que s’alcuentren pa una recuperación eficiente de la población d’oricios.

Redaición InfoAsturies

This work is licensed under a Creative Commons Attribution 4.0 International License.