• Portada
  • >
  • Asturies
  • >
  • Andecha Astur convoca el 6 d’Avientu un actu pola República Asturiana

Andecha Astur convoca el 6 d’Avientu un actu pola República Asturiana

  • 4 Avientu, 2018

La formación presentara al conceyu de Llangréu la propuesta de que fore elli quien entamara un actu declarándose a la contra de la Costitución española por monárquica y antidemocrática, faciendo una declaración a favor de la República Asturiana, pero ante’l silenciu del equipu de gobiernu deciden ser ellos los que convoquen

Andecha Astur convoca un actu políticu nel que van manifestarán el so enfotu de“contraponer, frente a esa Costitución que ñega los drechos más ellementales al Pueblu Asturianu, la figura de la República Asturiana como garante de les nueses llibertaes individuales y colleutives”.

Nesi mesmu sen, defenden que seya’l propiu “Principado”, conxuntamente colos Conceyos asturianos, el qu’entame a xestionar el procesu costituyente d’una República Asturiana que tenga comu referente el Conseyu Soberanu d’Asturies, última istitución plenamente democrática decidía polos asturianos y presidía por Belarmino Tomás. Precisamente la cai dedicada a esti presidente, en La Felguera, sedrá l’escenariu del actu que tendrá llugar a les 13:30 hores del mesmu 6 d’avientu, fecha na que nel Estáu Español se cellebra la Costitución del78.

Previamente fore propuesto al Ayuntamientu d’esta llocalidá, formáu por IU -Podemos, que concretare’l so compromisu republicanu refugando l’actual costitución española por monárquica y antidemocrática, propuesta que nun foi siquiera retrucada.

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

This site uses Akismet to reduce spam. Learn how your comment data is processed.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies